ام تقوى
15-08-2022, 10:43 PM
طاكوس
المقادير
كاس حليب دافي
نصف كأس زيت
مغرف صغير سكر
مغرف صغيرة ملح
كيس خميرة كيميائية
الفرينة
طريقة التحضير :
في إناء حطي كاس تاع الحليب دافي زيدي عليه نصف كأس زيت ومغرفة صغيرة سكر ومغرف صغيرة ملح والملح حسب الحاجة خلطي المكونات جيدا مع بعض ب فوي حتى تتجانس مع بعضها البعض ممبعد ضيفي كمية تاع الفرينة حوالي اربع كيسان فرينة
500 غ فرينة ضيفي عليها كيس خميرة كيميائية ابداي تلمي ف العجينة بلعقل حتى تتحصلي على عجينة طرية ومتماسكة ممبعد حطيها فوق طاولة العمل وابقاي تدلكي فيها حوالي خمس دقايق حتى ترجع العجينة ملساء رطبة ممبعد اقسمي العجينة تاعك على 10 كويرات وحطيهم ف سنيوة وغطيهم وخليهم يرتاحو حوالي ربع ساعة يرتاحو
بعد مايرتاحو
رشي طاولة العمل ب النشاء والكرية مليح على شكل خبيزة رقيقة بزاااف
كملي كامل الكريات تاوعك
وابداي اطيبي بلخبزة على نار هادئة طيبيها نص طياب باش تبقى طرية في مقلاة
بعد ماتكمليهم ديريهم ف طرشون وغطيهم
ممبعد هنا جيبي الحشو { نصف صدر دجاج مقطع رقيق وبصلة مسكرفجة وتوم فلفل اسود وملح ومعدنوس وزيت قلي كلشي مع بعض وحضري الحشو وديريه في وسط الخبزة وادا عندك فرماج ضيفيه فوقو وفريت لي حبيتي ديريها ف الوسط ولميها من الجوانب مليح على شكل مستطيل ولا مربع وحطيها ف البانيناز
واذا ماعندكش البانيناز
ديريه ف المقلة واضغطي عليها المقلة هاديك لي تشبهو شوية
واضغطي عليها حتى تتحصلي على الطاكوس كي تاع المحلات
شهية طيبة
المقادير
كاس حليب دافي
نصف كأس زيت
مغرف صغير سكر
مغرف صغيرة ملح
كيس خميرة كيميائية
الفرينة
طريقة التحضير :
في إناء حطي كاس تاع الحليب دافي زيدي عليه نصف كأس زيت ومغرفة صغيرة سكر ومغرف صغيرة ملح والملح حسب الحاجة خلطي المكونات جيدا مع بعض ب فوي حتى تتجانس مع بعضها البعض ممبعد ضيفي كمية تاع الفرينة حوالي اربع كيسان فرينة
500 غ فرينة ضيفي عليها كيس خميرة كيميائية ابداي تلمي ف العجينة بلعقل حتى تتحصلي على عجينة طرية ومتماسكة ممبعد حطيها فوق طاولة العمل وابقاي تدلكي فيها حوالي خمس دقايق حتى ترجع العجينة ملساء رطبة ممبعد اقسمي العجينة تاعك على 10 كويرات وحطيهم ف سنيوة وغطيهم وخليهم يرتاحو حوالي ربع ساعة يرتاحو
بعد مايرتاحو
رشي طاولة العمل ب النشاء والكرية مليح على شكل خبيزة رقيقة بزاااف
كملي كامل الكريات تاوعك
وابداي اطيبي بلخبزة على نار هادئة طيبيها نص طياب باش تبقى طرية في مقلاة
بعد ماتكمليهم ديريهم ف طرشون وغطيهم
ممبعد هنا جيبي الحشو { نصف صدر دجاج مقطع رقيق وبصلة مسكرفجة وتوم فلفل اسود وملح ومعدنوس وزيت قلي كلشي مع بعض وحضري الحشو وديريه في وسط الخبزة وادا عندك فرماج ضيفيه فوقو وفريت لي حبيتي ديريها ف الوسط ولميها من الجوانب مليح على شكل مستطيل ولا مربع وحطيها ف البانيناز
واذا ماعندكش البانيناز
ديريه ف المقلة واضغطي عليها المقلة هاديك لي تشبهو شوية
واضغطي عليها حتى تتحصلي على الطاكوس كي تاع المحلات
شهية طيبة